3. desember 2024. Sigurjón félagi okkar bauð okkur körlunum í heimsókn í Marel sem er gamli vinnustaðu hans og eru þessar myndir teknar við það tækifæri. Myndir: SVG
22. nóvember Nokkur hreindýr á Thorsplani frá okkur körlunum. Mynd: SVG
21. nóvember komu til okkar Rósa Guðbjartsdóttir og Jón Gunnarsson til þess að ræða pólitík og um leið að fá okkur karla til þess að kjósa XD. Það var fróðlegt og gaman að fá þau í heimsókn. Myndir: SVG
Föstudaginn 15. nóvember var haldinn félagsfundur hjá okkur og kom Einar Sveinbjörnsson í heimsókn og ræddi veðurfar og veðurkerfi og var gerður góður rómur að fróðleiknum. Myndir SVG
Byrjendanámskeið í trérennismíði sem Steindór sá um var dagana 11. til 15. nóvember og eru þessar myndir frá námskeiðinu. Myndir SVG
28. október Allt á fullu í vélasalnum. Myndir: SVG
Karlar smíða 30 hreindýr sem verður sleppt lausum í Hellisgerði Hafnarfirði í desember 2024. Myndir SVG
Heimsókn til Karla í skúrum - Vestmannaeyjum
Undirritaður, ásamt Jóhanni S. Gunnarssyni, heimsóttum Karla í skúrum í Vestmannaeyjum. Þeir voru að vígja nýju aðstöðuna hjá sér og með kynningar á trérennsli, útskurði og tálgun. Við sigldum á föstudegi í þokkalegu veðri, gistum og sigldum heim á laugardeginum. Virkilega vel tekið á móti okkur Jóa. Gistum á fallegu gistihúsi og boðið í kvöldverð á Einsa kalda. Mikil gestrisni og höfingjaskapur af Eyjamönnum. Þarna voru einnig fulltrúar frá Karlar í skúrum, Mosfellsbæ og Örn Ragnarsson frá Félagi trérennismíða, sjálfur bæjarstjórinn, ásamt fleiri góðum gestum. Vestmannaeyingar vildu helst halda Jóa eftir í Eyjum en mér tókst að koma honum aftur á meginlandið. Hér koma nokkrar myndir. Myndir JGS og SE.
Undirritaður, ásamt Jóhanni S. Gunnarssyni, heimsóttum Karla í skúrum í Vestmannaeyjum. Þeir voru að vígja nýju aðstöðuna hjá sér og með kynningar á trérennsli, útskurði og tálgun. Við sigldum á föstudegi í þokkalegu veðri, gistum og sigldum heim á laugardeginum. Virkilega vel tekið á móti okkur Jóa. Gistum á fallegu gistihúsi og boðið í kvöldverð á Einsa kalda. Mikil gestrisni og höfingjaskapur af Eyjamönnum. Þarna voru einnig fulltrúar frá Karlar í skúrum, Mosfellsbæ og Örn Ragnarsson frá Félagi trérennismíða, sjálfur bæjarstjórinn, ásamt fleiri góðum gestum. Vestmannaeyingar vildu helst halda Jóa eftir í Eyjum en mér tókst að koma honum aftur á meginlandið. Hér koma nokkrar myndir. Myndir JGS og SE.
Haustferð.
2. október 2024 fóru karlar ásamt nokkrum eiginkonum í ferð um Suðurland. Skoðuðum við Orgelsmiðjuna á Stokkseyri og sýninguna að Forsæti í Flóa. Eins og myndirnar sýna heppnaðist ferðin með ágætum. (Ljósm. JS.)
Undirritaður var staddur í Vestmannaeyjum 15. maí ásamt golffélögum og notuðum við tækifærið til þess að heimsækja Karla í skúrum Vestmannaeyjum, en þeir eru að koma sér fyrir í kjallara elliheimilisins.
Þeir Óskar, Ingimar og Sigmar tóku á móti okkur og sýndu okkur aðstæður. Þeir ætla að hefja formlega starfsemi með haustinu. Steindór Vilhelm Guðjónsson
Þeir Óskar, Ingimar og Sigmar tóku á móti okkur og sýndu okkur aðstæður. Þeir ætla að hefja formlega starfsemi með haustinu. Steindór Vilhelm Guðjónsson
1. til 3. apríl var Sævar Karl með enn eitt listmálaranámskeiðið fyrir okkur karla og voru menn hæstánægðir með það. Bestu þakkir Sævar Karl. Myndir: SVG
Eigendur Gastec þeir Þráinn og Hnikarr gáfu okkur körlum umtalsvert magn af sandpappír og færðum við þeim salatskálar sem þakklætisvott. Myndir SVG
Alexander er óstöðvandi í skipasmíðinni. Myndir SVG
Frá félagsfundi 5. mars. Guðjó Snær Steindórsson kom í heimsókn og sagði frá skútusiglingum sínum við Grænland og Grikkland. Myndir SVG
15. febrúar 2024 var skiptibókavitinn afhentur bókasafni Hafnarfjarðar í anddyri Ásvallarlaugar þar sem þessar ungu stúlkur byrjuðu að raða bókum í vitann. Vitinn stendur á hjólum og er því færanlegur. Myndir SVG
1. febrúar. Skiptibókavitinn er að verða tilbúinn. Hér eru Jói, Halli og Helgi að störfum við vitann. Myndir SVG
26. janúar kl.10 fengum við góða og skemmtilega gesti frá Vestmannaeyjum. Þetta eru Óskar Pétur til vinstri og Sigmar Pétursson til hægri. Þeir voru að kynna sér starfsemi okkar karla í skúrum Hafnarfirði og stefna þeir að því að hefja svipaða starfsemi í Vestmannaeyjum og óskum við þeim góðs gengis. Mynd SVG

Janúar 2024 Fyrri hluti trérenninámskeiðs. Leiðbeinendur voru Trausti Óskarsson og Steindór Guðjónsson. Myndir af þátttakendum og nokkrum hlutum sem voru renndir. Myndir SVG